Hopp til hovudinnhald Hopp til søk Hopp til bunntekst

Årets nynorskkommune

Kulturdepartementet i samarbeid med språkrådet kårar Vinje til årets nynorskkommune 2018! Vinje kommune viser vilje til språk, meiner juryen.

På Språkrådet sine sider står det:

I eit fylke der nynorsk er under sterkt press, utmerkjer Vinje kommune seg som ein tydeleg nynorskaktør.

– Nynorsk er eit mindretalsspråk og treng eit særleg vern. Det har Vinje kommune skjøna, seier Margrethe Kvarenes, seksjonssjef i Språkrådet, som har leidd juryarbeidet på vegner av Kulturdepartementet.

«På sitt trygge kulturgrunnlag har årets nynorskkommune arbeidd strategisk og kreativt for å gjere nynorsken til eit godt og levande bruksspråk. Det går klart fram av både planar og resultat at Vinje kommune har vilje til språk», heiter det i den skriftlege grunngjevinga frå juryen.

Juryen legg vekt på at Vinje kommune er ein føregangskommune i arbeidet for å gje innvandrarar norskopplæring på nynorsk, og at kommunen har kravt nynorsk i felles profilering av Vinje som reisemål. Prisen er på 100 000 kroner.

Statssekretær Jan-Christian Kolstø i Kulturdepartementet deler ut prisen på eit ope arrangement på Nasjonalbiblioteket 19. november kl. 12. Tom Roger Aadland syng Dylan på nynorsk, og Lise Fjeldstad les ein flunkande ny tekst av Jon Fosse.








På bildet frå venstre: Statssekretær Jan-Christian Kolstø, ordførar Jon Rikard Kleven, skodespelar Lise Fjeldstad, ass. Rådmann Anders Sandvik og artist Tom Roger Aadland.
Foto: Maja Grabia, kulturdepartementet.
  • eBillett
  • Fjellnettverket
  • visithaukeli logo
  • visitrauland logo
  • VisitVinje Logo
  • nasjonalparkkommune logo

vinje.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke vinje.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk